Na ndiqni në:


Get it on Google Play Download on the App Store

Iran: Një burrë u hedh jogurt në flokë dy grave që nuk bartnin shami (VIDEO)

NULL NULL
02.04.2023 10:33

Një video nga Irani është bërë virale, pasi një burrë shihet teksa konfrontohet me dy gra që nuk bartnin shami në kokë, përderisa prisnin në radhë në një market, me burrin duke e marrë aty pranë një jogurt dhe duke ua hedhur dy grave në flokë.

Burri pas u arrestua për prishje të rendit publik, ndërkohë që edhe dy gratë u arrestuan për ‘shkelje të dyshuar të rregullave të hixhabit të vendit’.

Arrestimet vijnë pasi Shefi i Drejtësisë iraniane, Gholamhossein Mohseni Ejei, kërcënoi se do t’i ndjekë penalisht gratë “pa mëshirë” që shfaqen në publik pa hixhab.

“Zbulimi është i barabartë me armiqësi me vlerat tona. Ata që kryejnë veprime të tilla anormale do të ndëshkohen dhe do të ndiqen penalisht pa mëshirë”, tha ai, pa treguar se çfarë do të sjellë dënimi.

Një numër në rritje i grave iraniane kanë hequr qafe mbulesat e tyre që nga vdekja e një gruaje kurde 22-vjeçare në paraburgimin e “policisë së moralit” shtatorin e kaluar. Mahsa Amini ishte arrestuar për dyshimin se kishte shkelur rregullin e hixhabit.

Forcat qeveritare shtypën dhunshëm revoltën mbarëkombëtare disamujore të shkaktuar nga vdekja e saj, shkruan Guardian, përcjell Klankosova.tv.

Megjithatë, gratë shihen gjerësisht të zbuluara në qendra tregtare, restorante, dyqane dhe rrugë anembanë vendit, duke rrezikuar arrestimin për kundërshtimin e kodit të detyrueshëm të veshjes. Videot e grave të pambuluara që i rezistojnë “policisë së moralit” kanë vërshuar në mediat sociale.

Sipas ligjit të sheriatit islamik të Iranit, i imponuar pas revolucionit të vitit 1979, gratë janë të detyruara të mbulojnë flokët dhe të veshin rroba të gjata dhe të gjera për të maskuar fytyrat e tyre. Shkelësit janë përballur me qortime publike, gjoba apo arrestime.

Duke e përshkruar mbulesën si “një nga themelet civilizuese të kombit iranian” dhe “një nga parimet praktike të Republikës Islamike”, deklarata e Ministrisë së Brendshme të enjten tha se nuk do të kishte “tërheqje apo tolerancë” për këtë çështje.

Ministria u bëri thirrje qytetarëve të zakonshëm që të përballen me gratë e pambuluara. Direktiva të tilla në dekadat e kaluara kanë inkurajuar palët e vijës së ashpër të sulmojnë gratë pa u ndëshkuar.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.