Inflacioni në Eurozonë bie në 2.4 përqind, niveli më i ulët në dy vjet

Inflacioni në Eurozonë ka rënë më shumë sesa që ka qenë e pritshme.

Bëhet fjalë për një rënie në 2.4 përqind gjatë muajit nëntor, që është rënia më e ulët në ritëm që prej korrikut të vitit 2021.

Kjo sjell shpresë tek konsumatorët se normat e interesit mund të zvogëlohen së shpejti, raporton Financial Times, transmeton KlanKosova.tv.

Rënia e çmimit të energjisë dhe rritja e pakët e çmimit të ushqimit dhe shërbimeve kanë qenë faktorët kryesorë që kanë ndikuar në rënien e inflacionit, ka njoftuar Eurostat.

Një muaj më parë norma e inflacionit ka qenë e regjistruar prej 2.9 përqind.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.