Incidenti mes mjekut dhe infermierit, deklarohen nga policia

Një mjek specializant i Ortopedisë dyshohet se mëngjesin e sotëm ka sulmuar një infermier të Klinikës Emergjente.

Kështu ka mësuar Klan Kosova përmes burimeve të saj.

Klankosova.tv ka kontaktuar me policinë e Kosovës për të marrë detaje për rastin.

Zëdhënësi i policisë rajonale të Prishtinës, Agron Borovci ka konfirmuar të ketë ndodhur vetëm një mosmarrëveshje mes mjekut dhe infermierit.

“Rreth orës 09:00 është pranuar informata për një mosmarrëveshje të ndodhur në mes të dy personave në qendrën emergjente në Prishtinë.”

Tutje ka deklaruar se policia ka nisur me ndërmarrjen e veprimeve për sqarimin e rrethanave të rastit.

“Policia ka dalë në vendin e ngjarjes dhe ka shoqëruar palët për në stacionin policor, si dhe ka nisur me ndërmarrjen e veprimeve për sqarimin e rrethanave të rastit”

Mjeku specializant i Ortopedisë sulmon infermierin e Klinikës Emergjente

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.