Ilir Deda: Thaçi po i instrumentalizon shqiptarët e Luginës

Deputeti i partisë Alternativa, Ilir Deda, ka thënë se Lugina e Preshevës nuk ka ndonjë kërkesë me rezolutë për bashkim me Kosovën por ka diktat të presidentit, Hashim Thaçi.

Deda e ka akuzuar Thaçin se po i instrumentalizon shqiptarët e Luginës për të realizuar një rezolutë të tillë dhe ai ka thënë se ata duhet të bisedojnë me të gjitha forcat politike në vend, sepse nuk janë instrument i një njeriu në Kosovë.

Sipas tij, shqiptarët e Luginës nuk duhet të kyçen në betejën e tashme politike në Kosovë, sepse nuk do të fitojnë asgjë nga kjo, njofton Klan Kosova.

“Nuk ka kërkesë me rezolutë nga Lugina e Preshevës për bashkim me Kosovën. Ka diktat të Thaçit që – pasi që ka frikë vetë të sponzorojë një rezolutë të tillë – i instrumentalizon shqiptarët e Luginës. E ata duhet të bisedojnë me të gjitha forcat politike në vend, sepse nuk janë instrument i një njeriu në Kosovë. Shqiptarët e Luginës nuk duhet të kyçen në betejën e tashme politike në Kosovë, sepse nuk do të fitojnë asgjë nga kjo”, ka shkruar Deda në llogarinë e tij të Facebook-ut.

klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.