IDF: Izraeli ende ka një sërë qëllimesh në Iran pas sulmeve të ShBA-së

Zëdhënës i Forcave të Mbrojtjes së Izraelit, Effie Defrin tha se Izraeli ka një sërë qëllimesh në Iran, duke vënë në dukje se IDF po vazhdonte ofensivën e saj ushtarake pasi Shtetet e Bashkuara nisën sulme kundër lokacioneve bërthamore iraniane gjatë natës.

“Ne kemi plane e qëllime dhe ne veprojmë vazhdimisht për t’i arritur ato. Ne gjithashtu po përgatitemi që fushata të zgjatet”, tha tutje zëdhënësi Effie Defrin.

Pa specifikuar se cilat janë ato, ai tha se Izraelit ka një sërë qëllimesh në Iran, raporton CNN, transmeton Klankosova.tv.

Ai tha se IDF po shikojnë rezultatet e bombardimeve të ShBA-së në një lokacion kyç bërthamor iranian dhe se Izraeli po e shikon vazhdimisht situatën.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.