I riu vdiq teksa po punonte në skele në katin 7, arrestohet pronari i biznesit (VIDEO)

Të shtunën s’po punohet e s’gjendet njeri. Por një ditë më parë në një objekt banesor në rrugën “Ekrem Rexha” në Prizren, po punonin një grup muratorësh.

Në mesin e tyre qe edhe Klodian Zogaj, i cili dyshohet se ra nga skelet e katit të 7-të e për pasojë vdiq, raporton Klan Kosova.

Rrethanat se si i ndjeri ra nga ndërtesa ende nuk dihen veçse ekipet mjekësore e konstatuan vdekjen e tij në vendin e ngjarjes. Policia ndërkaq po e heton rastin që ndodhi rreth orës 14:50 të së premtes, e të cilin e ka iniciuar si “Hetim mbi vdekjen”.

E trupi i pajetë i 19-vjeçarit ishte dërguar në Institutin e Mjekësisë Ligjore për obduksion.

“Në lidhje me rastin është arrestuar pronari i biznesit, i dyshuari mashkull kosovar, i cili me vendim të prokurorit është dërguar në mbajtje”, thuhej në raportin e policisë për rajonin e Prizrenit.

I ndjeri punonte në kompaninë e familjarëve të tij. Për djalin e vetëm të familjes tashmë është hapur e pamja në Lladroc të Malishevës, por për shkak të gjendjes emocionale, askush nuk pranoi të prononcohet për rastin.

Varrimi i të ndjerit u bë të shtunën në orën 17:00 në varrezat e fshatit. /Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.