Musliu: Ramadani i AKI-së është intervistuar nga Gjykata Speciale NULL NULL 03.06.2022 12:42 03.06.2022 12:42 Kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, ka thënë se inspektori i përgjithshëm i AKI-së, Burim Ramadani është pyetur rreth ftesës që ka marrë nga Gjykata Speciale. Në një konferencë për media, Musliu ka thënë që Ramadani i është përgjigjur ligjërisht ftesës dhe e ka përfunduar procesin intervistues. “Do të ishte e paarsyeshme që të kalojë raportimi i Ramadanit pa u ndalur rreth kësaj pike; të çështjes së Speciales. Krejt çka mund të them është se Ramadani i është përgjigjur ligjërisht dhe institucionalisht Gjykatës Speciale dhe ka përfunduar procesin intervistues, ose i është përgjigjur pozitivisht ftesës në bazë të ligjit dhe Kushtetutës së Kosovës”. Ajo ka bërë të ditur se raportimi i Ramadanit është duke vazhduar për çka është thënë se ai po raporton për punën që përfshin periudhën nga korriku i vitit 2021. Javë më parë, Agjencia e Kosovës për Inteligjencë njoftoi se Zyra e Prokurorit të Specializuar kishte dërguar fletëthirrje për dëshmitarë për Ramadanin. Nga Ramadani është kërkuar që “të ofrojë detaje në lidhje me lokacionin e tij fizik dhe gjeografik gjatë kohës se luftës, dhe të ofrojë dokumentacion përfshirë këtu edhe fotografi dhe të dhëna të tjera nga periudha nga 1 janar 1998 deri 31 dhjetor 2000”. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
