Hoti kërkon debat për dialogun para takimit të së hënës mes Kurtit dhe Vuçiqit

Deputeti i Lidhjes Demokratike të Kosovës, Avdullah Hoti, ka kërkuar debat për dialogun në Kuvend para të hënës kur është edhe takimi i nivelit të lartë mes kryeministrit, Albin Kurti dhe presidentit serb, Aleksandar Vuçiq.

Hoti ka kërkuar që të informohen nga Kurti për procesin e dialogut para takimit të së hënës, njofton Klankosova.tv.

“Intervenimi im sot lidhet me debatin qe kishim për dialog i cili nuk ka përfunduar sepse kryeministri u largua nga seanca. Të hënën është takimi në Bruksel dhe duhet të dimë se çfarë do të diskutohet atje”.

“Ne i kemi pasur disa pyetje… Besoj që është obligim kushtetues të informohet Kuvendi dhe besoj që duhet të bëhet debat para takimit të së hënës”, tha Hoti.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.