Hendboll, rrahje masive mes lojtarëve të Vushtrrisë dhe Trepçës (VIDEO)

Në ndeshjen mes Vushtrrisë dhe Trepçës ka ndodhur një rrahje masive, në kuadër të xhiros së fundit të Superligës së Kosovës në hendboll.

I gjithë incidenti filloi pasi një lojtari i Trepçës u lëndua, teksa qëndronte i shtrirë, lojtarët e Vushtrrisë u afruan duke i kërkuar që të çohet në këmbë. Me këtë filluan edhe kacafytjet mes lojtarëve, ku pati gjuajtje me gjësende edhe nga publiku i pranishëm.

Policia ishte e pranishme në palestër, por sipas pamjeve nuk po duket se menaxhoi këtë situatë që ndodhi.

Ndeshja është ndërprerë në pjesën e dytë, teksa nuk ka informata se a do të nis sonte.

Mitrovicasit janë duke fituar me rezultat 21-17. /Klankosova.tv.