Haziri nënshkruan projektin për mbështetjen e të rinjve në IT

Haziri nënshkruan projektin për mbështetjen e të rinjve në IT

NULL NULL
1 muaj më parë

Ende pa përfunduar projekti i të rinjve në agro-biznes, kryetari i Komunës së Gjilanit, Lutfi Haziri, ka nënshkruar sot projektin e radhës për mbështetjen e të rinjve në fushën e teknologjisë informative (IT) Social Hub.

Projekti kap koston e 420 mijë eurove, financohet nga Bashkimi Europian dhe me pjesëmarrjen financiare nga Komuna e Gjilanit.

Në këtë projekt parashihen trajnime për të rinjtë, nën grante që do të financohen bizneset e reja të cilat janë pronarë të rinjtë në fushën e IT dhe aspekte të tjera të rëndësishme.

Projekti nis nga sot dhe do të zgjasë 24 muaj.

Ky është projekti i dhjetë që Gjilani ka fituar nga Bashkimi Europian, derisa shuma totale e kalon katër milionëshin.