Haxhiu: Emërimi i Latifit si ministër i Shëndetësisë, veprimi i vetëm i mirë i kësaj qeverie NULL NULL 17.11.2021 11:21 17.11.2021 11:21 Deputeti i Partisë Demokratike të Kosovës, Bekim Haxhiu, ka thënë se emërimi i Rifat Latifiterrrtfrwwety si ministër i Shëndetësisë është i vetmi veprim i mirë që kjo qeveri ka ndërmarrë ndonjëherë. “Emërimi i Dr. Rifat Latifit, mjekut me famë ndërkombëtare, bashkëvendasit tim, ministër i shëndetësisë, është veprimi i vetëm, i mirë, i kësaj qeverie që duhet përshëndetur”, ka shkruar Haxhiu në Facebook. Haxhiu në anën tjetër uroi që ky emërim i Latifit, të jetë për përmirësimin e sistemit shëndetësor e jo të përdoret nga kryeministri Kurti për të mbuluar rrëmujën e shkaktuar nga ish-ministri Vitia. “Rifat Latifi mjeku i dëshmuar në Amerikë e gjetiu, ka një përvojë të madhe në shëndetësi, prandaj uroj që emërimi i tij të jetë për të përmirësuar e avancuar sistemin tonë shëndetësor dhe gjendjen e profesionistëve shëndetësorë dhe kryeministri Kurti nuk ka qëllim që ta përdorë emrin e tij për ta mbuluar bërllokun dhe rrëmujën që e ka shkaktuar Arben Vitia dhe ekipi i tij. Nuk është e drejtë dhe morale dhe nuk duhet lejuar që emrat e mëdhenj të shëndetësisë të përdoren për qëllime të politikës ditore, por atyre t’u jepet hapësira dhe mbështetja e duhur për përmirësim të shëndetësisë”, ka shtuar Haxhiu. Deputeti i PDK-së kujtoi edhe kohën kur ministri i ri ishte këshilltar i ish-kryeministrit Thaçi, duke thënë se e ka dëshmuar edhe atëherë vullnetin për të punuar për Kosovën. “Dr.Rifat Latifi ka treguar edhe gjatë mandatit si këshilltar i ish- kryeministrit Hashim Thaçi, se ka vullnet për të punuar me përkushtim për shtetin e Kosovës”, ka vazhduar ai. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Dy të vrarë e 6 të plagosur në kryeqytet më 2024 - kritikë për masat ndëshkuese (VIDEO) 28/03/2024