Haradinaj: Pikëllues lajmi për vdekjen e papritur të biznesmenit Isuf Neli

Kryetari i partisë Aleanca për Ardhmërinë e Kosovës, Ramush Haradinaj, ka thënë se me pikëllim e ka pranuar lajmin për vdekjen e papritur të mikut të tij, Isuf Neli.

Haradinaj e ka cilësuar Nelin si përkrahës të monarkisë shqiptare, njofton Klan Kosova.

“Zemra e Isufit rrihte përtej partive e grupimeve politike, shqiptarët dhe mirëqenia e tyre ishin prioritetet e tij jetësore”.

Më poshtë mund ta lexoni shkrimin e plotë të tij në Facebook:

Pikëllues lajmi për vdekjen e papritur të mikut tim të çmuar Isuf Neli. Sipërmarrës e biznesmen i suksesshëm, e përtej kësaj, një prind i shkëlqyeshëm dhe një atdhetar i madh. Si përkrahës i monarkisë shqiptare, zemra e Isufit rrahte përtej partive e grupimeve politike, shqiptarët dhe mirëqenia e tyre ishin prioritetet e tij jetësore.
Sot, shpreh mirënjohjen time për kujdesin e tij për babain tim Hilmiun, në kohë të vështira për familjen time, gjatë kohës kur isha në Gjykatën e Hagës.
Duke qenë krenar që kisha një mik të tillë, sot bashkëndjej me familjen Neli dhe të gjithë ata që e njohën.
Pushoftë në paqe!

klankosova.tv