Haradinaj me propozime për Qeverinë: Nëse nuk korrigjohet kufiri me Malin e Zi, çështja duhet çuar në arbitrazh (VIDEO)

Haradinaj me propozime për Qeverinë: Nëse nuk korrigjohet kufiri me Malin e Zi, çështja duhet çuar në arbitrazh (VIDEO)

NULL NULL
1 month më parë

Kryetari në detyrë i AAK-së, Ramush Haradinaj, i ka propozuar qeverisë që ta formojë Komisionin Shtetëror për Shënjimin e Kufirit.

“Pse duhet krijuar ky komision është sepse nuk ka ndodh demarkimi me Malin e Zi. Duhet ta kuptoni në procedurë të punës nuk kanë dalë komisionet t’i vendosin gurët. Kufiri që është sot është kufiri që e kemi gjetur edhe para marrëveshjes”, ka nisur Haradinaj, njofton Klankosova.tv.

Haradinaj ka vazhduar se nëse Mali i Zi nuk pajtohet për vendosjen e kufirit, atëherë kjo çështje duhet dërguar në arbitrazh.

“Duhet të bëhet ngritja e një trupe punuese për shënjimin e kufirit. Pala e Kosovës duhet t’ia paraqet të gjeturat e veta: marrëveshja e nënshkruar, raporti i komisionit shtetëror dhe deklarata e dy presidentëve për korrigjim në dy drejtime nga Kulla në drejtim të Çakorrit”.

“Nëse Mali i Zi nuk shpreh gatishmëri, atëherë kjo çështje kalon në arbitrazh. Mali i Zi është vend mik, por duhet të shkojë në arbitrazh”.

Kuvendi i Kosovës e ka miratuar marrëveshjen për demarkimin e  kufirit me Malin e Zi më 21 mars 2018, kur Haradinaj ka qenë kryeministër vendi.