Haradinaj lavdëron ekipin e MPB-së (FOTO)

Kryeministri në detyrë i Republikës së Kosovës, Ramush Haradinaj, ka pritur sot në takim zyrtarë të MPB-së që punojnë në divizionin për ri-integrimin e personave të kthyer nga Siria.

Me këtë rast ai i ka falënderuar të pranishmit për punën e palodhshme dhe përkushtimin e pashoq të tyre, në kryerjen e obligimeve institucionale në mbrojtjen dhe sigurinë e vendit.

“Ky ekip ka implementuar planin operativ për kthimin dhe ri-integrimin e qytetarëve kosovarë nga zonat e konfliktit në Siri duke shërbyer me profesionalizëm dhe me orë e ditë të tëra, që këto detyra, kaq sensitive, të kryhen me sukses”, ka thënë në këtë takim Haradinaj.

Ndër tjerash ai shtoi se janë krenarë që Kosova ka vajza e djem që i dalin zot detyrave dhe përgjegjësive, në mbrojtje të vendit dhe sigurisë.

Ndërkaq, nga ana e tyre, zyrtarët e MPB-së që punojnë në Divizionin për ri-integrimin e personave të kthyer nga Siria e kanë falënderuar kryeministrin në detyrë për pritjen dhe angazhimin e tij në zgjidhjen e çështjeve të rëndësishme për vendin.

 

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.