Haradinaj, Kurtit: Mbaje anën e ligjit e të drejtësisë NULL NULL 20.04.2023 12:12 20.04.2023 12:12 Deputeti i Aleancës për Ardhmërine e Kosovës njëherësh kryetari i saj Ramush Haradinaj, në seancën e Kuvendit të Kosovës ka thënë se kryeministri i Kosovës Albin Kurti, duhet të mbajë anën e drejtësisë. Ai tha kështu duke folur për rastin e arrestimit të djeshëm të kryeshefit ekzekutiv të Korporatës Energjetike të Kosovës, Nagip Krasniqi, i cili dyshohet për keqpërdorim të pozitës. “Sot e kisha lutur kryeministrin ta merr anën e ligjit e të drejtësisë. Edhe nëse ka dyshime edhe nëse ka konspiracione”, tha Haradinaj. “Për të ecur përpara duhet të jemi të gatshëm edhe për sakrificë. Udhëheqësit e zotë e dinë. Që i bie, nëse dikush nga radhët e tua ka shkelur aty ku s’duhet, duhet t’ja tregosh vendin. Nuk besoj që është besnikëri me marrë pozicion të gabuar në interes të përgjithshëm. Ne në luftë i kemi lënë në rrugë njerëzit që janë vrarë, disa janë plagosur disa të tjerë janë këtu e disa nëpër burgje për çështjet tonë kombëtare”, theksoi ai. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
