Haradinaj i shkruan Lajçakut: Qasjen tuaj dhe të Borrell e shohim si përpjekje për zvarritje të marrëveshjes Kosovë-Serbi - Klan Kosova

Na ndiqni në:


Get it on Google Play Download on the App Store

Haradinaj i shkruan Lajçakut: Qasjen tuaj dhe të Borrell e shohim si përpjekje për zvarritje të marrëveshjes Kosovë-Serbi

NULL NULL
19/04/2020

Kryetari i AAK-së, Ramush Haradinaj, ka thënë se përmes një letre i ka bërë të ditur përfaqësuesit Special të Bashkimit Europian për Dialogun, Miroslav Lajçak, qëndrimin e Aleancës për Ardhmërinë e Kosovës lidhur me dialogun Kosovë-Serbi.

Sipas tij, dialogu i ndërmjetësuar nga BE-ja, ka devijuar nga temat e rëndësisë substanciale dhe ka rrezikuar të arriturat e Kosovës, ndërsa ka theksuar se  qasjen e tanishme nga Përfaqësuesi i Lartë Joseph Borell dhe nga Lajçak e sheh si një “përpjekje për ta zvarritur marrëveshjen përfundimtare dhe për ta rikthyer dialogun në një proces të pafund”.

Megjithatë, Haradinaj ka theksuar se ka shpresë së dialogu Kosovë-Serbi të finalizohet me njohje reciproke.

Letra e plotë:

I nderuar Z. Lajcak,

Dëshiroj të ju falënderoj për letrën tuaj të datës 9 prill 2020, si dhe për propozimin për një bisedë telefonike me kërkesë të Përfaqësuesit Special të Bashkimit Europian. Duke pasur parasysh rrethanat e paqarta politike, besoj se një thirrje telefonike do të ishte e panevojshme.

Qëndrimi i Aleancës për Ardhmërinë e Kosovës lidhur me dialogun mbetet i pandryshuar: dialogu i ndërmjetësuar nga BE nën ish-Përfaqësuesen e Lartë Federica Mogherini ka devijuar nga temat e rëndësisë substanciale, ka rrezikuar të arriturat e Kosovës, dhe ka dëmtuar seriozisht kredibilitetin e BE-së për ta ndërmjetësuar dialogun në të ardhmen. Për më tepër, e shoh qasjen e tanishme nga Përfaqësuesi i Lartë Joseph Borell dhe nga ju si një përpjekje për ta zvarritur marrëveshjen përfundimtare dhe për ta rikthyer dialogun në një proces të pafund.

Megjithatë, Kosova e ka mirëpritur rolin e Kancelares Angela Merkel dhe të Presidentit Emmanuel Macron për t’u angazhuar personalisht në marrëveshjen gjithëpërfshirësë ligjërisht obligative.

Kam qenë vazhdimisht i zëshëm dhe i qartë në të kërkuarit e rolit aktiv të ShBA-së në dialog. Tani – situata me energjisë e re nga ShBA për Kosovën, ka rritur shpresat që dialogu Kosovë-Serbi, mbi një dekadësh, do të finalizohet me njohje reciproke në kufijtë ekzistues. Megjithatë, ndërmjetësimin nga BE nën udhëheqje të ShBA-së e shohim si pozitive.