23:29, 26 Mars 2020

Kreu i AAK-së, Ramush Haradinaj ka thënë se deklarata e Departamentit të Shtetit është siguria më e madhe për Kosovën.

Përmes një postimi në Facebook, Haradinaj ka thënë që marrëdhëniet e Kosovës me Amerikën janë të pathyeshme.

Postimi i plotë i Haradinajt:

Deklarata e krerëve të lartë të Administratës amerikane dhe Departamentit të Shtetit se nuk ekziston një plan sekret për shkëmbime territoresh, është siguria më e madhe dhe garancia më e duhur që i nevojitet Kosovës sot për të ecur përpara.

Kohën dhe energjinë më të madhe sa isha kryeministër, ia kam kushtuar luftimit të zërave konspirativ e të pasaktë, që dikur thonin se Amerika është për shkëmbim territoresh, duke synuar gabimisht largimin tonë nga aleati ynë historik, SHBA-të. Ai plan ka pasë mundësi të jetë në tavolina tjera, por asnjëherë në tavolinën e udhëhequr nga SHBA-të. Sonte, ndihem i përmbushur dhe i sigurtë, që kjo bindje po konfirmohet edhe deklarativisht.

Marrëdhëniet tona me Amerikën janë të pathyeshme, të pacenueshme, dhe të përhershme. Shtëpia e Bardhë dhe Washingtoni janë tempull i shenjtë i lirisë dhe pavarësisë sonë.

Zoti e bekoftë Amerikën dhe popullin e saj.

Zoti e bekoftë Kosovën dhe popullin tonë.

 

Konkurs Pune

Lexo më shumë