Hapet “Shtëpia ime” në Prishtinë

Të enjten në Prishtinë u hap panairi “Shtëpia ime” organizuar nga Këshilli i Rinisë Evropiane të Kosovës dhe studentët e Shkencave Ekonomike.

Hapjen e këtij aktiviteti e bënë, Avdullah Hasani, kryetar i Këshillit të Rinisë Evropiane të Kosovës, Safet Gërxhaliu kryetar i Odës Ekonomike të Kosovës, zëvëndësministri i Kulturës, Rexhep Hoti si dhe deputeti nga radhët e LDK-së Armend Zemaj si dhe ajo e PDK-së Ganimete Musliu.

Panairi “Shtëpia ime” është i përgjithshëm dhe ky është sesioni i dytë i cili organizohet nga të rinjtë në kuadër të programit për aftësimin profesional në Kosovë.

Në këtë aktivitet po marrin pjesë 40 biznese nga Kosova me produkte të ndryshme.

“Shtëpia Ime” ka karakter promovues për bizneset të cilat marrin pjesë për t`i promovuar shërbimet dhe produktet e tyre për vizitorët.

Ndërkaq organizatori i këtij aktiviteti , Këshilli i Rinisë Evropiane pret që këtë panair ta vizitojnë mbi 5 mijë persona, njofton Klan Kosova.