Hapet për qarkullim autostrada Thumanë-Kashar

Është hapur për qarkullim rruga Thumanë-Kashar, kjo cilësohet si autostradë e Kategorisë A e Bashkimit Evropian.

Autostrada paraprin tre kantiereve të reja Thumanë – Milot, Kashar – Lekaj dhe Lekaj – Fier, përcjell Klankosova.tv.

Kështu ka bërë të ditur edhe kryeministri i Shqipërisë, Edi Rama përmes një postimi në Facebook.

“Hapet për qarkullim aksi i ri rrugor Thumanë-Kashar, autostradë e Kategorisë A të Bashkimit Europian, segmenti i parë i Korridorit Blu, që i paraprin tre kantiereve të reja Thumanë – Milot, Kashar – Lekaj dhe Lekaj – Fier, të cilat nisin nga puna për disa javë, ndërkohë që po brenda pak javëve rihapet gara për segmentin Milot – Balldren”, shkruan Rama.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.