Na ndiqni në:


Get it on Google Play Download on the App Store

Hapet Java Evropiane e Futbollit, promovohet futbolli te fëmijët me aftësi të kufizuara

NULL NULL
25.05.2023 14:43

Është hapur sot Java Evropiane e Futbollit që për qëllim ka promovimin e futbollit te fëmijët me aftësi të kufizuara.

“Në kuadër të politikës së gjithëpërfshirjes në sport, organizata ‘Olimpiada Speciale’ në bashkëpunim me Federatën e Futbollit të Kosovës dhe me mbështetje të Ministrisë së Sportit, ka hapur sot Javën Evropiane të Futbollit, e cila ndër qëllimet e veta ka nxitjen dhe promovimin e futbollit edhe tek fëmijët me aftësi të kufizuara”, thuhet në njoftimin e MKRS-së.

“Gjatë një jave, ‘Olimpiada speciale’ do t’ua mundësojë fëmijëve që të realizojnë aktivitete të shumta rekreative, futboll e socializim mes tyre”.

Nga MKRS-ja u shprehën që aktivitetet promovuese të sportit tek të gjithë të rinjt pa përjashtim janë prioritet i kësaj ministrie.

“Në hapje që nisi në stadiumin e KF Rilindja në Prishtinë, mori pjesë edhe zëvendësministrja Daulina Osmani, e cila u shpreh që MKRS ka në prioritet aktivitete të kësaj natyre që kanë për qëllim promovimin e sportit në përgjithësi, e veçanërisht të futbollit tek gjeneratat e reja pa përjashtim”.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.