Hapet aksi Kardhiq-Delvinë, shkurton për 3 orë rrugën Tiranë-Sarandë - Klan Kosova

Na ndiqni në:


Get it on Google Play Download on the App Store

Hapet aksi Kardhiq-Delvinë, shkurton për 3 orë rrugën Tiranë-Sarandë

NULL NULL
02/07/2022

Rruga e re Kardhiq-Delvinë, e cila shkurton kohën e udhëtimit drejt Sarandës, është gati.

Ministrja e Turizmit dhe Mjedisit, Mirela Kumbaro, publikoi sot pamje të këtij aksi rrugor, teksa bëri të ditur se nga sot do të jetë i hapur për gjithë qytetarët.

“Udhëtimi nga Gjirokastra në Delvinë, e përtej në Sarandë me rrugën e re që nga sot do të jetë e hapur për gjithë qytetarët duke e sjellë bregun fare afër”, tha Kumbaro në rrjetet sociale.

Pjesë e kësaj rruge është edhe tuneli i Skërficës me një gjatësi prej 1,3 km i shoqëruar edhe me tunelin e emergjencës me gjatësi 670 m, sipas të gjitha kushteve të sigurisë.

Me një gjatësi prej 33 km, përfundimi i rrugës Kardhiq-Delvinë e shkurton me 3 orë kohën e udhëtimit nga Tirana në Sarandë, duke i dhënë një hov të mëtejshëm zhvillimit të zonës dhe Shqipërisë./ A2 CNN