Haaland rikthehet në stërvitje për Manchester Cityn

Erling Haaland është rikthyer në stërvitje për Manchester Cityn, përpara ndeshjeve vendimtare të klubit kundër Southamptonit dhe Bayern Munichut.

Norvegjezi pësoi një dëmtim në ijë gjatë fitores 6-0 të Cityt ndaj Burnleyt në Kupën FA më 18 mars, gjë që e la atë jashtë fushës për më shumë se dy javë. Ai u detyrua të tërhiqej nga skuadra e Norvegjisë për kualifikimet e EURO 2024 kundër Spanjës dhe Gjeorgjisë, dhe gjithashtu iu desh të largohej nga përballja e Cityt në Premier League kundër Liverpoolit.

City konfirmoi rikthimin e sulmuesit në stërvitje në një video të shkurtër në rrjetet sociale me mbishkrimin: “Erling Haaland është kthyer!”.

.@ErlingHaaland is back! 👀 pic.twitter.com/BrRDMtB7fC

— Manchester City (@ManCity) April 5, 2023

Haaland ka qenë në formë të shkëlqyer që kur u bashkua me kampionët në fuqi të Premier Leagues, duke shënuar 42 gola në 37 ndeshje në të gjitha garat.