Greqia rihap ishujt për turizëm nga 15 qershori NULL NULL 25.05.2020 11:02 25.05.2020 11:02 “Greqia pret turistë nga jashtë duke nisur prej 15 qershorit”, deklaroi kryeministri grek, Kyriakos Mitsotakis, një vendim ky për të ndaluar kolapsin ekonomik. Kreu i qeverisë greke tha se shumica e fluturimeve për në Greqi do të rifillojnë nga 1 korriku, kur hotelet sezonale do të rihapen dhe karantina 2-javore për të huajt nuk do të jetë më në fuqi. Po kështu ai shtoi se do të lejohen vetëm vizitorët nga shtetet ku pandemia Covid-19 shfaq nivele të ulëta. Ndërkohë, turistët nga vendet me prekshmëri të lartë nga infeksioni janë të ndaluar. “Ne do ta fitojmë betejën ekonomike ashtu si kemi fituar atë shëndetësore”, tha Mitsotakis, duke paralajmëruar se ndikimi financiar nga koronavirusi do të jetë i madh. Turistët do të lejohen të hyjnë në Greqi pa test koronavirusi apo karantinë. Ministri i Turizmit, Haris Theoharis tha së zyrtarët shëndetësorë do të kryejnë teste atëherë kur kërkohet. Greqia ka konfirmuar 2.878 raste, ndërsa janë regjistruar 171 vdekje./tch *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Blinken do të vizitojë Arabinë Saudite dhe Egjiptin për bisedime mbi marrëveshjen e armëpushimit Izrael-Hamas 19/03/2024
Kosova Java e Gruas - sot mbahet konferenca “Udhëhiq me gjithëpërfshirje: Ndërthurja e politikës me ekonominë” 19/03/2024