Grenell: Trump s’do të lejojë që negociatat Prishtinë-Beograd të zgjasin shumë

Grenell: Trump s’do të lejojë që negociatat Prishtinë-Beograd të zgjasin shumë

8 muaj më parë

Pas vizitës që e zhvilloi në Prishtinë, i dërguari i Posaçëm Presidencial për Negociatat e Paqes ndërmjet Kosovës dhe Serbisë, Ambasadori Richard Grenell, ka vizituar sot edhe Beogradin.

Para se të takohet me presidentin serb Aleksandar Vuçiq, Ambasadori Richard Grenell ka thënë se ekziston një afat i shkurtër kohor për t’i zgjidhur marrëdhëniet Prishtinë-Beograd, shkruan blic.rs, transmeton klankosova.tv.

Grenell gjithashtu ka theksuar se Trump nuk do të donte të humbiste kohë dhe se nuk do të lejonte që zgjidhja të zgjasë shumë nëse nuk ka përparim.

“Fakti është që ne jemi të përqendruar në këto çështje, por më duhet të them që ekziston një afat i shkurtër kohor – Presidenti Trump nuk dëshiron të humbasë kohë the nuk do të lejojë që zgjidhja të zgjasë shumë nëse nuk ka asnjë shenjë të përparimit”.

“Ne nuk duam që të humbasim kohë ose të imponojmë zgjidhje. Shpresoj që serbët dhe Kosova do ta shfrytëzojnë mundësinë që e kanë tani”.

klankosova.tv