Na ndiqni në:


Get it on Google Play Download on the App Store

Granit Xhaka sonte në dyshim ndaj Dortmundit

NULL NULL
10.01.2025 17:27

Sonte me fillim nga ora 20:30 në kanalet sportive brenda platformës më të madhe televizive shqiptare, Artmotion, mund ta ndiqni derbin gjerman mes Dortmundit dhe Bayer Leverkusenit.

Vendasit e presin në “Signal Iduna Park”, skuadrën e Granit Xhakës, në ndeshjen e parë për 2025-ën, ku statistikë interesante është se “Verdh e Zinjtë” nuk e kanë humbur ndeshjen e parë të vitit që nga 2005-ta.

Në anën tjetër, Leverkuseni ka seri fantastike, ku në 10 ndeshjet e fundit, ka shënuar nëntë fitore dhe një barazim, për dallim nga kundërshtari i sotëm i tyre që ka pesë fitore, dy humbje dhe tri barazime, njofton Klankosova.tv.

Ndërkohë njëri nga mesfushorët më të mirë të Leverkusenit, Granit Xhaka, është në dyshim për duelin e sotëm, pasi nuk arriti që ta përfundonte seancën e djeshme stërvitore, si pasojë e një problemi në kyçin e këmbës.

Aktualisht, BVB gjendet në vendin e gjashtë me 25 pikë nga 15 ndeshje, kurse “Aspirinat” pozicionohen të dytët me 32 pikë, katër më pak se lideri, Bayern Munchen.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.