Gosens te Inter, punë e kryer - Klan Kosova

Gosens te Inter, punë e kryer

NULL NULL
4 months më parë

Interi ka arritur marrëveshje me Atalantan për transferimin e Robin Gosens.

Burime të shumta, duke përfshirë Sky Sport Italia, Sportitalia, Tuttomercatoweb dhe të tjera, konfirmojnë se të dy palët kanë arritur një marrëveshje për transferimin.

Kjo në fakt ishte bërë tashmë mbrëmë, por detajet përfundimtare u bënë të ditura sot, me Atalantan që mori 22 milionë euro, plus 3 milionë euro bonuse, shkruan footballitalia, transmeton Klankosova.tv.

Ndërmjetësi dhe agjentët e tij u panë duke hyrë në selinë e Interit këtë pasdite, ku do të shkruajnë kontratën për një shifër prej 2.5 milionë euro në sezon, plus bonuse.

Mbrojtësi i krahut gjerman, Gosens, duhet të bëjë testet e tij të enjten, përpara se të përfundojë transferimin.