Selami Shkodra nga koalicioni Nisma-AKR-PD vlerësoi se sistemi i drejtësisë duhet të funksionojë i pavarur.

“Gjykatësit duhet të nxjerrin vendime në kohë të arsyeshme, aktgjykimet të jenë tv arsyetuara dhe me bazë ligjore”.

“Të njëjtin duhet të japin llogari vetëm interesave publike dhe ligjit, e jo ministrave arrogantë – siç është ky sonte këtu”, tha Shkodra duke iu referuar Ministrit të Drejtësisë në largim, Abelard Tahiri.

Ai shtoi se buxheti i sistemit të drejtësisë duhet të jetë transparent.

Shkodra në Zonën Zgjedhore gjithashtu foli për shtrirjen e sovranitetit në veri të vendit.

“Kosova nuk ka pasur kurrë më shumë pushtet efektiv në veri të vendit, se sa në mandatin që kemi udhëhequr me Ministrinë e Brendshme”.

“FSK disa herë kanë realizuar aksione të jashtëzakonshme që kanë rezultuar të suksesshme. Ka ndryshuar edhe perceptimi i grupeve kriminale si dhe i vetë Beogradit në raport me kontrollin efektiv”.