Gjykata Speciale me 29 maj në Kuvend (VIDEO) - Klan Kosova

Na ndiqni në:


Get it on Google Play Download on the App Store

Gjykata Speciale me 29 maj në Kuvend (VIDEO)

NULL NULL
22/05/2015

Të premten në mesditë në korridoret e Kuvendit të Kosovës kishte më shumë lëvizje se zakonisht.

Mbledhja e Kryesisë së Kuvendit të Kosovës do të caktonte datën e një seance plenare për Gjykatën Speciale, transmeton Klan Kosova.

Glauk Konjufca, shefi i Grupit Parlamentar nga Lëvizja Vetëvendosje, e ka rikonfirmuar qëndrimin e partisë së tij karshi themelimit të Dhomave Speciale, me arsyetimin se do t’i bëhet padrejtësi shtetit të Kosovës dhe UÇK-së.

Me gjithë ankesat e shefit të Grupit Parlamentar të Lëvizjes Vetëvendosje, kryesia e Kuvendit e ka vendosur 29 majin si datën kur Ligji për Gjykatën Speciale dhe amendamentet kushtetuese diskutohen në seancë parlamentare.

Pas vendimit që ka marrë kryesia Glauk Konjufca e ka bojkotuar takimin.

Kryeparlamentari Kardi Veseli, shefi i Grupit Parlamentar të PDK-së Adem Grabovci dhe shefi i Grupit Parlamentar të LDK-së Ismet Beqiri, ishin të mendimit se Gjykata Speciale nuk i bën dëm Kosovës dhe se nuk duhet pasur frikë nga themelimi i saj.

Formimin e Gjykatës Speciale e ka kundërshtuar edhe Pal Lekaj nga AAK-ja, i cili disa herë gjatë fjalimit e ka ngatërruar emrin e saj duke e quajtur Gjykata Themelore.

AAK-ja kishte propozuar që me 29 maj në rend të ditës të futet miratimi i Ligjit për Forcat e Armatosura, mirëpo sugjerimi i tyre nuk u aprovua nga kryesia.

Storie e gazetarit Besnik Tahiri.

klankosova.tv