Gjykata në Mianmar shton pesë akuza të reja kundër Aung San Suu Kyi NULL NULL 14.01.2022 21:24 14.01.2022 21:24 Udhëheqësja civile e rrëzuar e Mianmarit, Aung San Suu Kyi, po përballet me 160 vjet burg, pasi një gjykatë shtoi pesë akuza të reja kundër saj. Laureatja e Nobelit ka qenë në arrest shtëpiak që nga 1 shkurti 2021, disa orë para se ushtria të rrëzonte liderët e zgjedhur dhe të merrte pushtetin. Ajo tashmë është dënuar me gjashtë vjet burg, pasi gjykata e shpalli fajtore për pesë kallëzime penale. Ajo ende përballet me gjashtë akuza të tjera, plus pesë të rejat. Dhjetë prej tyre dënohen me deri në 15 vjet burg secila. 76-vjeçarja u shpall fajtore për import të paligjshëm të radiove, shkelje të kufizimeve të koronavirusit dhe nxitje të trazirave, pasi i shkroi komunitetit ndërkombëtar, duke i kërkuar që të mos e njohë qeverinë ushtarake. Suu Kyi ka hedhur poshtë të gjitha akuzat, raporton DW, transmeton Klankosova.tv. Myanmar ka qenë në trazira politike që nga grushti ushtarak i shtetit në shkurt të vitit 2021. Që atëherë, ushtria ka pasur vështirësi në shtypjen e protestave popullore si dhe rezistencën e armatosur kundër sundimit të saj. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Avokati i Popullit i dorëzoi Kuvendit të Kosovës raportin vjetor për vitin 2023 14 minuta më parë
Kosova Petkoviqi takon ambasadorët e Quint-it, nga Beogradi i njofton ata për situatën e sigurisë në Kosovë 29 minuta më parë