Gjykata liron nga akuza Agim Ademin

Gjykata Themelore e ka liruar nga akuza kryetarin e Federatës së Futbollit të Kosovës, Agim Ademi.

Ai ishte akuzuar në vitin 2012 se bashkë me Muharrem Ramën, e kishin sulmuar të dëmtuarin Dritëro Kadolli, duke i kërkuar atij t’i japë 30 mijë euro ose një veturë BMW X5.

Pas vendimit të gjykatës, kreu i FFK-së tha se më në fund triumfoi e drejta.

“Gjykata Themelore në Prishtinë, me rastin e shpalljes së aktgjykimit lirues, ka theksuar faktin se me asnjë provë nuk është vërtetuar që unë kam kryer ndonjë vepër penale, për të cilën kam qenë i akuzuar padrejtësisht për më shumë se 10 vjet”, tha Ademi.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.