Gjykata Komerciale, adresa për afër 800 lëndë që janë dorëzuar sa OShP ishte pa bord (VIDEO) - Klan Kosova


Na ndiqni në:


Get it on Google Play Download on the App Store

Gjykata Komerciale, adresa për afër 800 lëndë që janë dorëzuar sa OShP ishte pa bord (VIDEO)

"Bordi ka vendosur që nuk ka pasë kompetencë që t’i trajtojë ato", ka thënë Kimete Gashi nga OSHP.

NULL NULL
12/08/2022

Rreth 800 është numri i lëndëve të cilat Bordi i Organit Shqyrtues të Prokurimit nuk do t’i trajtojë.

Kimete Gashi, anëtare e bordit të ri, ka thënë për emisionin e ekonomisë, Portofol në Klan Kosova FM, se ankesat që janë dorëzuar për mbi një vjet – sa OShP s’kishte bord –  janë vlerësuar si të papërshtatshme.

“Bordi ka vendosur që nuk ka pasë kompetencë që t’i trajtojë ato. Secilin operator e kemi njoftuar dhe ata tash mund t’i drejtohem Gjykatës Komerciale”, është shprehur Gashi.

“Afërsisht kanë qenë 800 lëndë që i kemi gjetur që kanë qenë të parashtruara si ankesa”.

Gashi ka theksuar se synimi si bord i ri është që të punojnë në formën më të drejtë.

“Misioni i bordit është që dera e OShP-së të jetë dera më e besueshme e çdo operatori ekonomik dhe çdo personi fizik ose subjekt ekonomik që mendon se i është shkelur një e drejtë”.