14:36, 8 Nëntor 2019

Drejtori i të ashtuqujturës Zyre Serbe për Kosovën, Marko Gjuriq tha sot se shpreson që taksa  e vendosur nga Prishtina për mallrat nga Serbia më shumë se një vit më parë do të hiqet.

Gjuriq nga veriu i Mitrovicës ku morri pjesë në shënimin e një feste atje tha se kishte kaluar një vit nga prezantimi i taksës, dhe se qëndrimi tashmë ishte i njohur.

Ai gjithashtu deklaroi se tema e lirisë së lëvizjes, si të qytetarëve, ashtu edhe të zyrtarëve, as nuk duhet të diskutohet  me mesazhin se “Lista Serbe, e cila ishte në mënyrë demokratike, përmes vullnetit të popullit serb, kishte të drejtën t’i përfaqësonte ato në institucione”.

Duke iu përgjigjur pyetjeve në lidhje me formimin e institucioneve në Kosovë ai tha se disa politikanë shqiptarë po përsëritnin gabimet e disa serbëve nga e kaluara, duke kërkuar atëherë shqiptarë besnikë, transmeton Klan Kosova.

Konkurs Pune

Lexo më shumë