Gjukanoviqi shpërndan parlamentin e Malit të Zi

Presidenti i Malit të Zi, Milo Gjukanoviq, ka shpërndarë sot parlamentin.

Vendimi i Gjukanoviqit vjen pasi i mandatuari për formimin e qeverisë së rë, Miodrag Lekiq nuk arriti të formonte shumicën brenda afatit, shkruan Vijesti, transmeton Klan Kosova.

Edhe Dritan Abazoviq tentoi sërish të formojë një qeveri të re, në të cilën do të merrnin pjesë FD-ja dhe Demokratët, por për këtë nuk pati përkrahje të mjaftueshme, pasi deputetët e pakicave ishin kundër.

Zgjedhjet e parakohshme parlamentare mund të mbahen në fund të majit ose në fillim të qershorit.

Ndërkaq, më 19 mars në Mal të Zi zhvillohen zgjedhjet presidenciale. Në garë janë 7 kandidatë mes tyre edhe presidenti aktual Milo Gjukanoviq.

Rrini të informuar mbi zhvillimet kryesore duke u bërë pjesë e komunitetit tonë në Viber.

BONUS: Merreni aplikacionin tonë në Android dhe iOS.

klankosova.tv