Gjermani: Gjoba e papaguar e lë 56-vjeçarin pa ardhur në Kosovë - Klan Kosova

Na ndiqni në:


Get it on Google Play Download on the App Store

Gjermani: Gjoba e papaguar e lë 56-vjeçarin pa ardhur në Kosovë

NULL NULL
1 month më parë

Kushdo që i duhet të fluturojë nga Aeroporti i Munihut duhet të ketë parasysh gjobat e papaguara.

Veçanërisht nëse ndonjë udhëtar nuk e ka paguar ndonjë gjobë që obligohet me vendim të gjykatës, sepse mund të përballet me paraburgim.

E një rast të tillë e pati edhe një 56-vjeçar nga Kosova.

Ai kishte një gjobë të papaguar prej 150 eurosh.

Gjykata e kishte dënuar në vitin 2021, por nuk e mori seriozisht vendimin e organit të drejtësisë.

Atij iu ndalua fluturimi për në Kosovë, pas urdhrit të prokurorisë së Passaut, që kërkonte pagesën e gjobës ose arrestimin e 56-vjeçarit, shkruan Suddeutsche Zeitung, përcjell Klankosova.tv.

Rasti ka ndodhur të dielën pasdite, pikërisht kur burri ishte duke udhëtuar për në vendlindje.

56-vjeçarit iu shtua dënimi në 240 euro, gjë që nuk paraqiste problem për të.

Por, procedurat e tejzgjatura bënë që burri nga Kosova të anulonte fluturimin për ndonjë herë tjetër, transmeton Klankosova.tv.