Gjendet një granatahedhës me predhë brenda saj në Gjilan

Në fshatin Llashticë të Gjilanit gjatë ditës së enjte është gjetur një granatahedhës me një predhë brenda saj.

Sipas policisë, ky mjet shpërthyes u gjet nga një burrë i cili ishte duke kryer punime me ekskavator në një deponi të mbeturinave, transmeton Klankosova.tv.

Sakaq, njësia e Policisë së Kosovës për deminim ka bërë tërheqjen e mjeteve të dyshuara në mënyrë të sigurt.

“Ankuesi mashkull kosovar, ka raportuar se derisa ishte duke kryer disa punime me ekskavator në deponinë e mbeturinave, ka hasur në një granata-hedhës me predhë brenda saj. Njësia e PK-së për deminim ka bërë tërheqjen e mjeteve të dyshuara në mënyrë të sigurt.  Rasti është duke u hetuar”, thuhet në raportin e policisë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.