Gjenden 15 qese kokainë në dhomën e një hoteli në Përmet, në pranga 38-vjeçari

Gjenden 15 qese kokainë në dhomën e një hoteli në Përmet, në pranga 38-vjeçari

2 muaj më parë

Një person ka përfunduar në pranga në Përmet.

38-vjeçari u arrestua pasi dyshohej se po shpërndante lëndë narkotike.

Bazuar në informacionet e marra në rrugë operative se një shtetas dispononte lëndë narkotike, specialistët e Seksionit për Hetimin e Narkotikëve në Drejtorinë Vendore të Policisë Gjirokastër, në bashkëpunim me Komisariatin e Policisë Përmet, arrestuan në flagrancë shtetasin L.Th., 38 vjeç, banues në Përmet.

Gjatë kontrollit të ushtruar në një nga dhomat e hotelit që ky shtetas e kishte marrë me qira, policia gjeti 15 qese të vogla transparente me lëndë të dyshuar narkotike të llojit kokainë, të cilat u sekuestruan në cilësinë e provës materiale raporton Top-Channel përcjell Klan Kosova.

Materialet procedurale i kaluan Prokurorisë pranë Gjykatës së Shkallës së Parë Përmet, për veprime të mëtejshme.