Giorgia Meloni betohet si kryeministre e Italisë NULL NULL 22.10.2022 11:59 22.10.2022 11:59 Giorgia Meloni, është betuar sot si kryeministrja e parë femër e Italisë. Kështu, ajo i ka dhënë partisë së saj një nivel pushteti që ka qenë i paarritshëm për forcat e tjera të ekstremit të djathtë në Evropën Perëndimore. Ceremonia e betimit u zhvillua në pallatin presidencial të Italisë, ndërsa kabineti i saj pritet të miratohet në një votëbesim parlamentar në fillim të javës së ardhshme, shkruan CNN, transmeton Klankosova.tv. Kujtojmë se partia e Giogia Melonisë “Vëllezërit e Italisë” është në koalicion qeverisës me “Forza Italia” të Silvio Berlusconit dhe Matteo Salvinin e “Lega”. Ndërsa, javën e kaluar rrodhën disa audio ku treguan se Berlusconi ka marrë si dhuratë për ditëlndje 20 shishe vodka dhe një “letër shumë të mirë” nga presidenti rus, Vladimir Putin. Rrjedhjet treguan gjithashtu se Berlusconi ofronte një narrativë miqësore ndaj Kremlinit për luftën në Ukrainë, duke thënë se Putini kishte nisur me ngurrim “operacionin special” në përgjigje të vullnetit popullor, me shpresën për të instaluar “udhëheqës më të arsyeshëm” në Kiev, shkruan CNN, përcjell Klankosova.tv. Pas kësaj, Meloni u përgjigj duke thënë se kushdo që nuk pajtohet me parimet atlantike dhe evropiane të Italisë nuk do të jetë pjesë e qeverisë, qoftë me koston e mosformimit të saj. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Lajme Ushtria izraelite pretendon se ka vrarë komandantin e lartë të Hamasit në Al-Shifa 12 minuta më parë
Lajme Franca mbyll faqen e interneti që pretendonte se po rekrutonte vullnetarë për të luftuar në Ukrainë 19 minuta më parë