Gashi viziton Përfaqësuesen e Kosovës në futboll në përgatitjet e tyre për Ligën e Kombeve - Klan Kosova

Na ndiqni në:


Get it on Google Play Download on the App Store

 Gashi viziton Përfaqësuesen e Kosovës në futboll në përgatitjet e tyre për Ligën e Kombeve

NULL NULL
05/09/2018

Ministri i Kulturës, Rinisë dhe Sportit, Kujtim Gashi, e ka vizituar Përfaqësuesen e Kosovës në futboll, e cila po e përfundon seancën e fundit stërvitore në stadiumin “Fadil Vokrri”, para udhëtimit për në Baku të Azerbajxhanit, ku Kosova do ta zhvillojnë ndeshjen kundër këtij shteti në kuadër të “Ligës së Kombeve” që po e organizon UEFA.

Në ndeshjen që do të zhvillohet këtë të premte në ora 18:00 në Baku, Kosova po udhëton e plotë dhe e motivuar maksimalisht, e informuan ministrin Gashi shtabi teknik i përfaqësueses.

Në këtë vizitë, atë e priti trajneri i Përfaqësueses Bernard Challandes dhe përfaqësues të FFK-së.

Challendes e njoftoi ministrin Gashi se lojtarët janë në gatishmëri të plotë në përballje kundër Azerbajxhanit dhe u shpreh se do të bëjnë maksimumin për të siguruar tri pikë, ndonëse udhëtojnë si mysafirë për në Baku.

Gashi nga ana tjetër u shpreh se Kosova posedon shumë talente në futboll dhe MKRS-ja do t’i përkrahë dhe do t’u qëndrojë afër futbollistëve.

Ministri u dëshiroi suksese Përfaqësueses dhe djemve të saj në garat e Ligës së Kombeve. Ai kërkoi angazhim maksimal të futbollistëve që të arrihen rezultate sa më të mëdha në këtë Ligë, transmeton Klan Kosova.