Futbollistët dhe stafi i Dritës testohen për COVID-19 para nisjes për në Zvicër

Futbollistët dhe stafi i Dritës testohen për COVID-19 para nisjes për në Zvicër

NULL NULL
5 muaj më parë

Kampioni i Kosovës në futboll, KF Drita nga Gjilani ka kryer testet për COVID-19 para nisjes drejt Zvicrës ku do të luajë në fazën parakualifikuese të Ligës së Kampionëve.

Lajmi për testimin e gjithë futbollistëve dhe stafit përcjellës të klubit e ka konfirmuar për KlanKosova.tv, drejtori sportiv i Dritës, Valon Zymberi.

“Ne sot i kemi kryer testet në Institutin e Gjilanit dhe nesër i presim rezultatet për gjithë ekipin. Gjithsesi, me të arritur në Zvicër do t’i nënshtrohemi prapë testeve para fazës parakualifikuese në Ligën e Kampionëve”, është shprehur Zymberi.

Drita kundërshtarin e parë këtë vit në Evropë do ta ketë kampionin e Andorrës, Inter Escaldes, takim ky që pritet të zhvillohet me 8 gusht në ‘Colovray Stadium’ të Zvicrës.