Fustani i njëjtë i nusërisë që u vesh për 85 vjet nga gratë e familjes NULL NULL 03.03.2020 18:00 03.03.2020 18:00 Gjatë 85 vjetëve, katër gra në familje kanë veshur fustanin e njëjtë në ditën e tyre të dasmës. Gjithçka filloi me Maria Teresa Moreno e cila e kishte qepur fustanin e nusërisë vetë para dasmës në vitin 1932. Qysh atëherë, fustani i bardhë i mëndafshtë ka kaluar në disa gjenerata në familje, fillimisht i veshur nga stërmbesa e Marias Marta Prietoo O’Hara në vitin 1983. Më pas, atë e veshi motra e Martas në vitin 1997 dhe në fund stër-stërmbesa e Marias, Pilar O’Hara Kassouf, e veshi në shtator të vitit 2017. Marta ka thënë në një intervistë për HuffPost që fakti se ajo dhe vajza e saj Pilar veshën fustanin e njëjtë me një histori të tillë familjare është eksperiencë që nuk përshkruhet. “Ishte një lidhje e jashtëzakonshme me gjyshen time. Ajo jetonte afër meje dhe isha me të tërë kohën. Ajo jetoi deri në moshën 98 vjeçare, kështu që edhe fëmijët e mi u rritën pranë stërgjyshes së tyre”. “Gjyshja ime do të ishte shumë e entuziazmuar nëse do ta dinte se njëra nga stërmbesat dëshironte ta veshte fustanin e saj. Ajo do të emocionohej shumë, dhe kjo ma mbush zemrën me lumturi”, ka deklaruar ajo. Gjithçka nisi në vitin 1932 kur Maria u dashurua me një fustan që e pa në vitrinën e një dyqani dhe filloi ta qepë atë vetë. Çifti pati katër fëmijë. Vajza e saj Anita u martua me Pablo Prietto në vitin 1957, por veshi një fustan tjetër që nëna e saj ia qepi. Por, ajo e ruajti fustanin e nusërisë së nënës së saj. Marta, njëra nga shtatë fëmijët e Anitas, po planifikonte të veshte fustanin e dasmës së nënës së saj. I njëjti ishte dëmtuar, prandaj ajo veshi fustanin e dasmës së gjyshes së saj. Në vitin 1997, Elena, motra e Martas, u martua me të njëjtin fustan. Pas dasmës së Elenas, fustani qëndroi në kuti për 20 vjet, derisa vajza e Martas Pilar u fejua në muajin prill të vitit 2017. Ajo ka treguar se kishte shkuar në shtëpinë e gjyshes për ta provuar. “Sapo e pashë veten në pasqyrë, e dija. Nuk kishte shansa që të shkoja në shitore të fustaneve të nusërisë për të parë fustane që nuk kishin asnjë kuptim për mua, derisa fustani i nusërisë së familjes sime ka shumë kuptim për mua”. Fustani vazhdon të qëndrojë akoma në kuti! *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.