Flet Shakohoxha për futjen e flamurit në lojën e Shqipërisë me Serbinë: E këndova himnin

Në tetor të 2014-së në stadiumin e Beogradit derisa po luante Kombëtarja e Shqipërisë me atë të Serbisë, u fut me dron flamuri që mbante portretet e Isa Boletinit dhe Ismail Qemajlit, bashkë me hartën e “Shqipërisë së Madhe”.

Ky veprim pati irrituar serbët, ku madje edhe tifozët e tyre kishin zbritur në fushë duke sulmuar lojtarët shqiptarë. Këta të fundit si heronjë të vërtetë, e kishin mbrojtur simbolin kombëtar, duke mos e lënë në duart e serbëve.

Në komentim të asaj ndeshje dramatike e tensionuese, ishte Dritan Shakohoxha, i cili kur u pyet nga studio në Tiranë se çfarë është ajo gjë që me dron po fluturonte në stadiumin e Partizanit të Beogradit, Shako ishte përgjigjur: “Ai flamuri më i bukur në botë, Alban”.

Komentatori i njohur shqiptar, i ftuar në emisionin Oxygen në Klan Kosova, ka treguar emocionet që e kishin kapluar ato momente, por edhe që në fillim të atij ballafaqimi kualifikues për Euro 2016.

“Aty kam qenë gjithmonë e kam bërë, unë e kam bërë profesionin në vendin ku ka ndodhur. Kam qenë në Beograd, për shkak të profesionit ti nuk e këndon dot himnin, dhe është hera e parë që e bëra një gjë të tillë, ngaqë u ndezëm shumë, ishte atmosfera shumë e zjarrtë. Të shanin të gjithë por unë nuk kuptoja çfarë thonin, kam kënduar himnin direkt dhe kam qenë aty në stadium, prandaj mori vlerë ajo gjëja, ishte vëmendja e të gjithë aty siç sot pash ArtMotion që ka të gjitha eventet në një paketë”, tha Shokohoxha.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.