Filmi ‘Ajo’ i Morea Raçës fiton të drejtën për konkurrim në OSCAR

Filmi ‘Ajo’ me skenar dhe regji nga More Raça dhe producent Sunaj Raça, ka fituar të drejtën të konkurrojë për çmimin OSCAR, pasi është në mesin e nëntë finalistëve, në festivalin Manhattan Short Fiilm Festival që do të mbahet nga 27 Shtator deri më 7 tetor 2018.

Filmi do të shfaqet në 350 qytete të botës, në gjashtë kontinente.

Ky film flet për dhunën në familje, guximin e një vajze të vogël për të shpëtuar veten dhe nënën e saj.

‘Ajo’ është prodhim i shtëpisë filmike, Arena i subvencionuar nga Qendra Kinematografike e Kosovës.

Në të luajnë: Aurita Agushi, Sunaj Raça, Diella Valla, Florist Bajgora, etj.

Në edicionet e mëparshme të Manhattan Short Film Festival finalist ishin dy filma të cilët u nominuan për çmimim Oscar, filmi Shok dhe Bear Story, transmeton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.