Fillon aksioni “Ta Pastrojmë Kosovën” (VIDEO)

Nxënësit kosovarë sot u bënë pjesë e iniciativës “Ta Pastrojmë Kosovën”, bashkë me disa organizata të tjera për pastrimin e mbeturinave anembanë vendit.

Në ndihmë u dolën edhe pjesëtarët e FSK-së me mjetet e tyre, transmeton Klan Kosova.

Për ta mbështetur këtë iniciativë në terren u pa edhe Ministri i Ambientit, Ferid Agani, i cili e vlerësoi shumë veprimin që po bëjnë të gjithë pjesëmarrësit për pastrimin e Kosovës.

Për një javë sa do të zgjasë fushata, organizatorët pretendojnë t’i pastrojnë rreth 350 deponi të mbeturinave.

Ky aksion u zhvillua dhe do të vazhdojë edhe në pjesë të tjera të Kosovës.

Kronikë e realizuar nga gazetari Rilind Matoshi.

klankosova.tv