Filharmonia e Kosovës sonte mban koncert në Zvicër

Orkestra e Filharmonisë së Kosovës, sonte do të mbajë koncert në Casino Bern, të Zvicrës, në kuadër të festimeve në shënim të 17-vjetorit të Pavarësisë së Kosovës.

Me një mbrëmje gala nën drejtimin e dirigjentit Antoine Marguier, ky koncert do të jetë i veçantë, pasi do të interpretohen vepra të disa prej kompozitorëve shqiptarë të Kosovës të shekullit XX dhe XXI deri te perlat e literaturës klasike botërore, transmeton Klankosova.tv.

Në këtë mbrëmje do të interpretojnë, sopranoja kosovare Besa Llugiqi dhe saksofonisti rus Vitaly Vatulya.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.