FIFA mirëpret arrestimet, Blatter nuk është i përfshirë

Drejtori për komunikim me media në FIFA, Walter di Gregorio, ka mbajtur një konferencë lidhur me arrestimet e zyrtarëve të FIFA-s.

“Ky proces është më se i mirëseardhur dhe është iniciuar nga tetori i vitit të kaluar”.

Gregorio nuk ka bërë të ditur identitetin e të arrestuarve duke shtuar se askush nuk ka të drejtë që t’i trajtojë si fajtorë pasi ata janë vetëm të dyshuar, e jo të dënuar.

“Duhet pritur deri kur te fillojnë punimet e procesit zgjedhir që të shohim të gjithë se kush është prezent dhe kush jo”.

Edhe pse hetimet i ka konsideruar si të mirëpritura, ai ka thënë se ato janë bërë në një moment jo të duhur, kur pritet të mbahet Kongresi i 65-të zgjedhor i FIFA-së.

“Pavarësisht kësaj, Kongresi do të fillojë punimet sipas orarit të paraparë dhe Sepp Blatter nuk është i involvuar në këto raste”.

“Si mund të jetë Blatter i relaksuar tash?! Edhe ai është i brengosur natyrisht, nuk është duke vallëzuar në dhomën e tij”, transmeton Klan Kosova.

“Ai ka parë çfarë ka ndodhur, edhe për të është shqetësuese, sidomos pse kjo ndodhi tani”.

I pyetur a do të jetë ky rast për tërheqjen e kandidaturës së Blatter, Gregorio është shprehur:

“Ai nuk është i involvuar”.

“Nëse shumica e 209 anëtarëve që marrin pjesë në Kongres e votojnë, Blatter do të jetë edhe për katër vitet e ardhshme në krye të UEFA-së”, transmeton Klan Kosova.