Festa e Flamurit, Shqiptaria mblidhet në Tiranë (VIDEO)

Për disa orë, përfaqësues të krejt rajoneve shqipfolëse u mblodhën në kryeqytetin shqiptar për të parakaluar para qindra njerëzve.

Në paradën e organizuar në 111 vjetorin e Pavarësisë së Shqipërisë, rreth 150 ansamble me kostume tradicionale, valle e muzikë, i treguan botës kulturën shqiptare.

Nga veshjet kombëtare u kalua tek uniformat. Defilim në atë rrugë bënë edhe policia, e prapa s’mbetën as zyrtarë të fushave tjera.

Krejt në fund në mes të kordonit u futën edhe përfaqësuesit e qyteteve shqiptare, teksa udhëhiqeshin nga kryebashkiaku i Tiranës, Erion Veliaj.

Ky i fundit i falënderoi mysafirët që i shkuan në konak, pavarësisht kohës me shi, teksa s’la pa përmendur amanetin që ua lanë të parët.

Për Ditën e Flamurit, në Tiranë u shënuan edhe një varg aktivitetesh tjera.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.