14:36, 22 Shtator 2019

Kryeministri i Shqipërisë, Edi Rama, nisur nga situata e krijuar pas tërmeteve, ka folur sot edhe për temën e sigurimit të banesave.

Rama në fjalën e tij theksoi se në këto raste përveç shtetit ato që duhen të mbajnë përgjegjësi janë edhe kompanitë e ndërtimit.

“Tema e sigurimit të banesave, që është trajtuar si tabu, që unë e kam prekur që kur kam qenë kryetar bashkie. Pra që është e domosdoshme që të ketë një tjetër hap në këto raste siç e ka gjithë bota, pra që të mos jetë vetëm buxheti i shtetit ndihmë, por edhe kompanitë e ndërtimit.

Ndërtimi i çdo godine sidomos për pallatet duhet të jetë i lidhur me sigurimin, dhe duhet të jetë ajo që mban përgjegjësi për shkeljet në ndërtim, që për 30 vjet ska mbajtur përgjegjësi njeri.

Duhet të jetë roje për këtë gjë. Nga ana tjetër ky ishte një test që godinat e kanë tejkaluar me qëndrueshmërinë e tyre, në një vend tjetër në rajon një tërmet si ky i ka rrafshuar godinat. dhe ky është një aspekt pozitiv. U duhet kërkua kompanive që të bëjnë sigurimin”, tha Rama.

Konkurs Pune

Lexo më shumë