Na ndiqni në:


Get it on Google Play Download on the App Store

Eurostat: Të rinjtë shqiptarë të privuar nga dëshirat, vështirësi për qiranë

NULL NULL
05.04.2023 19:39
te rinjte shqiptare
te rinjte shqiptare

Të rinjtë në Shqipëri kanë vështirësi për të përballuar pagesa të ndryshme si qiranë e një apartamenti, blerjen e një makine, shpenzime për kohën e lirë apo edhe ikjen për pushime vjetore larg shtëpisë.

Kjo do të thotë që ata janë të privuar nga disa dëshira për ta bërë jetën e tyre më të mirë.

Pikërisht privimi material i të rinjve në Europë për vitin 2021, është marrë në analizë nga Eurostat, por për Shqipërinë të dhënat janë të disponueshme deri në vitin 2020.

Sipas statistikave të Eurostat, në Bashkimin Europian në vitin 2021, shkalla e privimit të rëndë material dhe social midis të rinjve të grupmoshës 15-29 vjeç ishte 6,1%.

Për Shqipërinë, ky tregues është shumë më i lartë, në 34%, duke shënuar rekord negativ në Evropë.

Edhe në nivel rajonal Shqipëria qëndron në krye të listës. Përqindjen më të ulët të privimit material dhe social e ka Serbia me 10.4% në 2020-n pasuar nga Maqedoninë e Veriut, me 14.9%  dhe  Malin e Zi me 22.3 %.

Ndërsa në treguesin e privimit material, Shqipëria ka diferencë me vendet e rajonit, në indikatorin tjetër, që mat rrezikun për të qenë i varfër, ku së bashku me Maqedoninë e Veriut, Malin e Zi dhe Serbinë,  janë pothuajse në të njëjtin nivel, me rreth 25% të grupmoshës nga 15-29 vjeç që është në rrezikun për të qenë të varfër. /euronews.al

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.