Eurodeputeti austriak: Vladimir Putin përmes lajmeve të rreme po përpiqet të shkaktojë përçarje, sidomos në Ballkanin Perëndimor NULL NULL 25.09.2022 20:28 25.09.2022 20:28 Eurodeputeti Lukas Mandl Eurodeputeti austriak Lukas Mandl, ka deklaruar se agresioni rus në Ukrainë, ka ndikuar jo vetëm në Evropë por në gjithë botën. Mandl tha se tani çdokush mund ta shikojë dhe kuptojë ideologjinë urrejtëse të Putinit përmes veprimeve të tij të vazhdueshme në Ukrainë. “E gjithë Evropa është sulmuar që nga 24 shkurti dhe jo vetëm Evropa por e gjithë bota. E gjithë bota po e mbron veten dhe sigurinë e njerëzve. Po ofron mundësi për gjeneratat e ardhshme. Mendoj se tash kushdo mund ta shoh atë çfarë po bën Putin me këtë ideologji urrejtjeje”, tha Mandl. Duke folur për lajmet e rreme, ai theksoi se Putin, gjithmonë është munduar që t’i shfrytëzojë këto mënyra të dezinformimit në Ballkanin Perëndimor që të shkaktojë përçarje. “Dezinformimi ka për qëllim të na përçaj. Të shkaktojë përçarje në mesin e shoqërive, institucioneve e shteteve. Natyrisht se Putin, gjithmonë mundohet që t’i shfrytëzojë këto mënyra të dezinformimit në Ballkanin Perëndimor siç janë lajmet e rreme dhe gjuha e urrejtjes”. “Në Parlamentin Evropian ne e kemi një komision të posaçëm që merret me këtë çështje. Popujt e Ballkanit Perëndimor kanë një eksperiencë të gjatë sa i përket dezinformimit. Ne duhet ta luftojmë këtë dukuri përmes një gazetarie të vërtetë”, deklaroi Mandl./telegrafi/ *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Crosetto pas takimit me Maqedoncin: Do të bashkëpunojmë me FSK-në për të mbështetur sigurinë në rajon 1 orë më parë
Kosova Maqedonci informoi homologun italian për mbështetjen që Kosova po i ofron Ukrainës 2 orë më parë
Kosova Maqedonci pas takimit me homologun italian: Kosova në NATO do të garantonte stabilitet dhe paqe në Ballkan 3 orë më parë