EURO 2024, Rice dhe Xhaka dy futbollistët që kanë vrapuar më së shumti

Kapiteni i Zvicrës Granit Xhaka, ka treguar formë të lartë në pesë ndeshjet që i zhvilloi në “EURO 2024”.

Ai arriti të shpallej dy herë “futbollist i ndeshjes”, kundër Hungarisë dhe ndaj Gjermanisë.

E po ashtu ishte komandant i skuadrës zvicerane me plot kuptimin e fjalës, duke i udhëhequr ‘helvetikët’ drejt fitores kundër Italisë.

Xhaka është njëri nga futbollistët që ka vrapuar më së shumti gjatë pesë ndeshjeve të deritanishme në Kampionatin Evropian.

31-vjeçari ka mbuluar plot 62 kilometra gjatë këtyre lojëve.

Por, ai nuk është i pari në listë.

Aty kryeson futbollisti i Anglisë, Declan Rice, i cili i ka mbi 63 kilometra të vrapuara.

Ndërsa i treti sipas statistikave është Joshua Kimmich, me rreth 61 kilometra të vrapuara.

Zvicra u eliminua mbrëmë nga Anglia në fazën çerekfinale të “EURO 2024”, pas ekzekutimit të penalltive me rezultat 5:4.

I pafat në gjuajtjen e 11-metërshit ishte mbrojtësi Manuel Akanji.

Anglia në gjysmëfinale do të luajë ndaj Holandës, derisa përballja tjetër interesante është ajo mes Francës dhe Spanjës.

Ndeshjet do të luhet më 9 dhe 10 korrik dhe ato do të transmetohet drejtpërdrejtë dhe ekskluzivisht në Klan Kosova dhe Artmotion.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.